• Tuisblad
  • Stamboom van Joost en Burgert
  • Stamboom van Evert
  • Voornaam:    Van:   

Stamboom van die Van Dyks van Suid-Afrika

Tuisblad Soek Teken aan  

  • Vind
    • Vanne
    • Voorname
    • Soek vir Name
    • Soek Families
    • Soek Webblad
    • Plekke
    • Datums
    • Kalendar
    • Begraafplase
    • Boekmerke
  • Media
    • Fotos
    • Dokumente
    • Grafstene
    • Geskiedenis
    • Opnames
    • Videos
    • Albums
    • Alle Media
  • Info
    • Wat is Nuut
    • Meeste Gesoek
    • Verslae
    • Databankstatistieke
    • Boom
    • Takke
    • Notas
    • Bronne
    • Bewaarplekke
    • DNA Toetse
    • Kontak Ons
Soek | Gevorderde Soek | Soek Families | Soek Webblad

     
Afdruk


Welkom

main image

Welkom by die stamboom vir die Van Dyk-families in Suid-Afrika. In Suid-Afrika het meerdere, onverwante mans met die van "van Dyk" in verskillende periodes na Suid-Afrika gekom en hier families gestig - hulle word beskou as die stamvaders van die Van Dyk-families.

Kliek gerus hier om meer te lees oor die herkoms en geskiedenis van die Van Dyk-stamvaders. U kan ook deur die boom snuffel met behulp van die skakels bo-aan die webwerf, of die soekfunksie hier bo gebruik, as u op soek is na 'n spesifieke persoon. Let wel: by alle persone gebruik ons hulle doopname. Gebruik die "gevorderde soek"-funksie en kies die "soundex"-opsie as daar oor die spelling van 'n naam getwyfel word.

Meeste van die inligting op die webwerf is aan almal beskikbaar, maar ingetekende gebruikers het toegang tot meer inligting en funksies. Kliek hier om 'n rekening te skep.

Ons verwelkom enige bydraes of korreksies tot die Van Dyk-stamboom.

Artikels

Familiewapen van die Van Dyks?

Sommige families spog met trots met 'n familiewapen. Maar is dit tereg? Lees hier meer oor die mites rondom familiewapens.

Vergete helde: die Witrivier-verdrinkings

As kind het my ouers ons soms op naweke uitgevat om te gaan piekniek hou en braai in die Bainskloofpas ... Min het ek geweet watter tragedie daar afgespeel het byna 80 jaar tevore!
Burger(t) Wynand van Dyk

Verwarring omtrent Burger Wynand van Dyk, meubelmaker in die 19de eeu

Twee persone met die naam Burger(t) Wynand, één inskrywing in die geslagregisters. Wie was die bekende meubelmaker aan die Kaap? En van wie is die foto in die Van Dyk-geslagregister?
Die 1975-Geslagsregister?

Die 1975-Geslagsregister (korreksies m.b.t. die eerste geslagte)

Lees meer oor hoekom die lewenssketse van Joost en Burgert van Dyk in ons stamboom só sterk verskil van dit wat in die 1975-Geslagsregister weergegee word.
Cornelis van Dijk

Cornelis van Dijk - Stamvader?

Reeds sedert die eerste Geslacht-register der Oude Kaapsche Familiën, word Cornelis van Dijk genoem as 'n Van Dyk-Stamvader. In feite het hierdie Amsterdamse seeman byna regoor die wêreld geseil met sy Suid-Afrikaanse bruid. Van Amsterdam na Suid-Afrika en Suid-Amerika. Met Anna Catharina Pieters aan sy sy, het hulle 'n plantasie in Guyana begin, tot sy dood in die Napoleontiese oorlog.

Stamouers

Joost van Dyk

ca1663-1718. Joost het as soldaat van die V.O.C. in 1686 aan die Kaap geland. Daar het hy in 1691 'n vryburger geword en begin hout kap in Houtbaai. Hy het later op klein skaal geboer in die Swartland.

Catharina Verburgh

ca1675-1700. Catharina was Joost se eerste vrou. Alhoewel haar herkoms nog 'n raaisel is, was sy waarskynlik die dogter van 'n paartjie wat tydens 'n epidemie in 1695 gesterf het.
Helena Siewers

Helena Siewers

ca1690-1727. Helena was 'n slavin in Burgert se besit, maar het verlief geraak op sy broer Joost. Burgert het haar vrygestel en sy en Joost het verloof geraak, maar nooit getrou nie.

Burgert van Dyk

ca1665-1720. Burgert was die broer van Joost en het saam met hom na Suid-Afrika gekom. Aanvanklik was hy ook 'n houtkapper, maar het later 'n suksesvolle veeboer geword.
Johanna Greff

Johanna Greeff

1685-1712. Johanna is aan die Kaap gebore as die kind van heemraadslid Matthys Greeff; die Greeff-Stamvader uit Duitsland. Sy het in 1701 met Burgert getrou.

Veelgestelde Vrae

Antwoorde op die vrae wat ons die meeste ontvang, byvoorbeeld waar ons ons inligting kry en hoe ons met privaatheid omgaan. As u vraag nie daartussen staan nie, neem asseblief met ons kontak op.

DNS-toetse

Lees hier meer oor DNS-toetsing en die toetse wat al op Van Dyk-familielede gedoen is.

Oor hierdie webwerf

Hierdie webwerf is in 2017 opgerig met die doel om 'n gesaghebbende naslaanwerk te wees met betrekking tot die stambome van die Suid-Afrikaanse Van Dyk-families. Oorspronklik is die 1975-Geslagsregister gebruik, en later aangevul met bronne soos die Suid-Afrikaanse Geslagsregisters en Suid-Afrikaanse Familieregisters.

Die doel is om, sover moontlik, alle feite te ondersteun m.b.v. primêre bronne (byvoorbeeld dooprekords of sterfkennisse).

Meer ...

Kopiereg

Die feite op hierdie bladsy is nie aan kopiereg onderhewe nie, dog sal ons dit waardeer om erkenning te kry in enige herpublikasie. Die artikels en foto's word (met uitsondering) wél deur kopiereg beskerm en mag nie sonder toestemming van die skepper elders gebruik word nie.

Meer ...

Soek

Kontak ons

Kliek hier om met ons kontak op te neem, indien u enige vrae, opmerkings of voorstelle het. U kan ons ook op Facebook vind.


Hierdie werf word aangedryf deur The Next Generation of Genealogy Sitebuilding v. 13.0.2, geskryf deur Darrin Lythgoe © 2001-2023.

Onderhoud deur Anrie.